નમો લક્ષ્મી યોજના ગુજરાત હેઠળ રાજ્યની દીકરીઓને ધોરણ 9 થી 12 સુધી કુલ ₹50,000 સુધીની સહાય આપવામાં આવે છે. 10 લાખથી વધુ વિદ્યાર્થીનીઓને આર્થિક સહાય મળી ચૂકી છે અને 2025-26 માટે ₹1,250 કરોડની જોગવાઈ કરવામાં આવી છે.
‘નમો લક્ષ્મી યોજના’: ગુજરાતની દીકરીઓ માટે શિક્ષણ અને સશક્તીકરણ તરફનું મહત્ત્વનું પગલું
ગુજરાત સરકાર દીકરીઓના શિક્ષણને માત્ર અધિકાર નહીં, પરંતુ સશક્તીકરણનું મજબૂત હથિયાર બનાવવા પ્રતિબદ્ધ છે. મુખ્યમંત્રી શ્રી ભૂપેન્દ્ર પટેલના નેતૃત્વમાં શરૂ કરાયેલ ‘નમો લક્ષ્મી યોજના’ કન્યા કેળવણીના ક્ષેત્રમાં એક ઐતિહાસિક પહેલ સાબિત થઈ રહી છે. અત્યાર સુધી રાજ્યની 10 લાખથી વધુ વિદ્યાર્થીનીઓને 1,000 કરોડથી વધારેની સહાય સીધી જમા કરાઈ ચૂકી છે.
યોજનામાં વધારાની જોગવાઈ—પરિવારોને મોટું આર્થિક સહારું
રાજ્ય સરકારે નાણાકીય વર્ષ 2025-26 માટે આ યોજનામાં ₹1,250 કરોડની જોગવાઈ કરી છે. ધોરણ 9 થી 12 સુધી અભ્યાસ કરતી દીકરીઓને સરકાર કુલ ₹50,000 સુધીની સહાય આપે છે, જેનાથી ગરીબ અને મધ્યમવર્ગીય પરિવારો પરનો શિક્ષણનો ખર્ચ નોંધપાત્ર રીતે ઘટે છે.
આ સહાય GSEB અને CBSE જેવી માન્યતા પ્રાપ્ત શાળાઓમાં અભ્યાસ કરતી તમામ વિદ્યાર્થિનીઓને મળવાપાત્ર છે. સૌથી મહત્વની વાત એ છે કે બીજી કોઈ સ્કોલરશિપ મળતી હોય, તો પણ આ યોજના વધારાના લાભ તરીકે મળે છે.
સહાયનો વિતરણ — માસિક જમા અને પરીક્ષા પછી વધારું લાભ
- ધોરણ 9-10 માટે કુલ ₹20,000
- ધોરણ 11-12 માટે કુલ ₹30,000
દર મહિને:
- ધો. 9-10 → ₹500
- ધો. 11-12 → ₹750
બાકીની રકમ બોર્ડની પરીક્ષાઓ પાસ કર્યા પછી સીધી જમા થાય છે.
લાભ માટે કુટુંબની વાર્ષિક આવક ₹6 લાખ સુધી હોવી જરૂરી છે અને વિદ્યાર્થિનીએ ધોરણ-8 સરકારી/અનુદાનિત/RTE સ્કૂલમાંથી પૂર્ણ કર્યું હોવું જોઈએ.
‘નમો લક્ષ્મી પોર્ટલ’: સંપૂર્ણ પારદર્શિતા સાથે સહાયની ચુકવણી
યોજનાનું સંચાલન કરવા માટે રાજ્ય સરકારે વિશેષ Namo Lakshmi Portal શરૂ કર્યું છે.
- સહાય સીધી જ વિદ્યાર્થિની અથવા તેની માતાના બેંક ખાતામાં જમા થાય છે
- CTS સિસ્ટમનો ડેટા આપમેળે પોર્ટલ સાથે જોડાય છે
- વર્ગ શિક્ષક વિદ્યાર્થીઓના જરૂરી દસ્તાવેજો (આધાર, આઈડી કાર્ડ, માર્કશીટ, આવકનો દાખલો, પાસબુક વગેરે) પોર્ટલમાં અપલોડ કરે છે
જુલાઈથી નિયમિત ચુકવણી શરૂ
શૈક્ષણિક સત્ર શરૂ થયા પછી તમામ દસ્તાવેજોની ચકાસણી પૂર્ણ થાય છે અને જુલાઈ મહિનામાં જૂન + જુલાઈ બંને મહિનાની સહાય એકસાથે જમા થાય છે. ત્યારબાદ દરેક મહિનાની 10મી તારીખ સુધી સહાય ટ્રાન્સફર થાય છે.
આવી કાર્યક્ષમ પ્રક્રિયાને કારણે રાજ્ય સરકારે થોડા જ સમયમાં 10 લાખથી વધુ દીકરીઓ સુધી આ યોજના સફળતાપૂર્વક પહોંચાડી છે.
દીકરીઓના ઉજ્જવળ ભવિષ્ય માટે રાજ્ય સરકારનો સંકલ્પ
‘નમો લક્ષ્મી યોજના’ માત્ર આર્થિક સહાય નથી, પરંતુ દીકરીઓના ઉચ્ચ શિક્ષણ, આત્મસન્માન અને સશક્તીકરણ તરફનું એક મજબૂત પગલું છે. ‘બેટી બચાવો, બેટી દીકરીઓના ઉજ્જવળ ભવિષ્ય માટે રાજ્ય સરકારનો સંકલ્પ
‘નમો લક્ષ્મી યોજના’ માત્ર આર્થિક સહાય નથી, પરંતુ દીકરીઓના ઉચ્ચ શિક્ષણ, આત્મસન્માન અને સશક્તીકરણ તરફનું એક મજબૂત પગલું છે. ‘બેટી બચાવો, બેટી પઢાઓ’ ના સંકલ્પને સાકાર કરતી આ યોજના ખાતરી આપે છે કે કોઈ દીકરી માત્ર આર્થિક મુશ્કેલીઓને કારણે શિક્ષણ અધુરું ન રાખે.‘ ના સંકલ્પને સાકાર કરતી આ યોજના ખાતરી આપે છે કે કોઈ દીકરી માત્ર આર્થિક મુશ્કેલીઓને કારણે શિક્ષણ અધુરું ન રાખે.
Important Links (Table Format)
| લિંક | વિગતો |
|---|---|
| યોજનાની વિસ્તૃત માહિતી | અહીંથી મેળવો |
| વિભાગની લિંક | અહીંથી ચેક કરો |
| ઓનલાઈન અરજી પોર્ટલ | અરજી અહીંથી કરો |
| જી આર | અહીંથી વાંચો |