ભારતમાં દર વર્ષે લાખો લોકો રોડ અકસ્માતોમાં ઘાયલ થાય છે. આવા સમયે તાત્કાલિક સારવાર અને આર્થિક મદદ ખૂબ જ જરૂરી બને છે. આ પરિસ્થિતિને ધ્યાનમાં રાખીને 2026 માં પ્રધાનમંત્રી Narendra Modi દ્વારા PM RAHAT યોજના શરૂ કરવામાં આવી છે. આ યોજના ખાસ કરીને રોડ અકસ્માતમાં ઇજા પામેલા લોકોને કેશલેસ સારવાર અને આર્થિક સહાય પૂરી પાડવા માટે રચાઈ છે.

PM RAHAT યોજના શું છે?

PM RAHAT (Road Accident Health Assistance and Treatment) યોજના હેઠળ અકસ્માત પીડિતોને તાત્કાલિક અને કેશલેસ સારવાર આપવામાં આવશે. સરકાર દ્વારા નક્કી કરવામાં આવેલ હોસ્પિટલોમાં પીડિતને ₹1.5 લાખ સુધીની સારવાર મફતમાં આપવામાં આવશે. આ યોજના એ વાત સુનિશ્ચિત કરે છે કે કોઈપણ વ્યક્તિને પૈસાની અછતના કારણે સારવારથી વંચિત ન રહેવું પડે.

યોજનાનો મુખ્ય હેતુ

આ યોજનાનો મુખ્ય હેતુ રોડ અકસ્માતમાં ઘાયલ થયેલા લોકોનું જીવ બચાવવો અને તેમને ઝડપથી શ્રેષ્ઠ સારવાર ઉપલબ્ધ કરાવવી છે. ઘણીવાર અકસ્માત પછીના “Golden Hour” દરમિયાન યોગ્ય સારવાર ન મળવાથી ગંભીર પરિસ્થિતિ સર્જાય છે. PM RAHAT યોજના આ જ મુદ્દાને ધ્યાનમાં રાખીને બનાવવામાં આવી છે.

યોજનાના મુખ્ય લાભો

➡️અકસ્માત પીડિતોને ₹1.5 લાખ સુધી કેશલેસ સારવાર
✅સરકારી અને નોંધાયેલ ખાનગી હોસ્પિટલોમાં મફત સારવાર
✅ તાત્કાલિક ઈમરજન્સી સારવારની સુવિધા
✅ પરિવાર પર આર્થિક બોજ ઘટાડે છે
✅ ગોલ્ડન અવર દરમિયાન ઝડપથી સારવાર

કોણ લાભ લઈ શકે?

PM RAHAT યોજનાનો લાભ કોઈપણ ભારતીય નાગરિક લઈ શકે છે, જે રોડ અકસ્માતમાં ઘાયલ થયો હોય. આ યોજના માટે અલગથી કોઈ પ્રીમિયમ ભરવાની જરૂર નથી. અકસ્માત થયા બાદ પીડિતને નજીકની નોંધાયેલ હોસ્પિટલમાં દાખલ કરાશે અને હોસ્પિટલ સીધી સરકાર પાસેથી ખર્ચ વસૂલ કરશે.

કેવી રીતે કામ કરે છે યોજના?

1)રોડ અકસ્માત થાય છે.
2)પીડિતને નજીકની નોંધાયેલ હોસ્પિટલમાં લઈ જવાય છે.
3)હોસ્પિટલ પીડિતની વિગતો ઓનલાઈન પોર્ટલ પર નોંધે છે.
4)સરકાર દ્વારા મંજૂર થયેલા ખર્ચ મુજબ ₹1.5 લાખ સુધીની સારવાર મફતમાં આપવામાં આવે છે.
આ પ્રક્રિયા સરળ અને ઝડપી બનાવવામાં આવી છે જેથી પીડિતને કોઈ દસ્તાવેજી ઝંઝટનો સામનો ન કરવો પડે.

PM RAHAT યોજના માં અરજી કેવી રીતે કરવી?

PM RAHAT યોજના એક ઇમરજન્સી આધારિત યોજના છે. તેમાં પહેલાથી ઓનલાઈન ફોર્મ ભરવાની જરૂર નથી. અકસ્માત થયા બાદ સીધી હોસ્પિટલમાં પ્રક્રિયા થાય છે.

સ્ટેપ નંબર	પ્રક્રિયા
1	રોડ અકસ્માત થયા બાદ તરત નજીકની નોંધાયેલ હોસ્પિટલમાં લઈ જવું.
2	સરકાર દ્વારા મંજૂર (Empanelled) સરકારી અથવા ખાનગી હોસ્પિટલમાં દાખલ કરવું.
3	હોસ્પિટલ સ્ટાફ PM RAHAT પોર્ટલ પર દર્દીની માહિતી નોંધશે.
4	આધાર કાર્ડ અથવા ઓળખ પુરાવો અને અકસ્માતની માહિતી જરૂરી રહેશે.
5	મંજૂરી મળ્યા બાદ ₹1.5 લાખ સુધી કેશલેસ સારવાર શરૂ થશે.
6	સારવારનો ખર્ચ હોસ્પિટલ સીધો સરકાર પાસેથી મેળવે છે.

મહત્વપૂર્ણ નોંધ:

• આ યોજના માટે પહેલેથી કોઈ ઓનલાઈન અરજી કરવાની જરૂર નથી.
• અકસ્માત થયા બાદ જ યોજના લાગુ પડે છે.
• ભારતના કોઈપણ નાગરિકને લાભ મળી શકે છે.
• Golden Hour દરમિયાન સારવાર સૌથી મહત્વપૂર્ણ છે.